Հոկտեմբերի 31-ից նոյեմբերի 3-ը բացահայտվել է 264 հանցագործություն. ՆԳՆ

Հասարակություն 3 Նոյեմբեր, 2025 17:39

ՆԳՆ ոստիկանությունը ներկայացրել է օպերատիվ իրավիճակը հանրապետությունում հոկտեմբերի 31-ից նոյեմբերի 3-ը:

Բացահայտվել է 264 հանցագործություն, որոնցից 9-ը՝ նախկինում կատարված:

Մասնավորապես՝

50 դեպք` թմրանյութի հայտնաբերման,
32 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
26 դեպք՝ մարմնական վնասվածք պատճառելու,
25 դեպք՝ ֆիզիկական ներգործության,
16 դեպք՝ հոգեկան ներգործունեության,
15 դեպք՝ սառը զենքի հայտնաբերման,
14 դեպք՝ խարդախության,
8 դեպք՝ անձնական ունեցվածքի գողության,
7 դեպք՝ զենք-զինամթերքի առգրավման,
6 դեպք՝ խուլիգանության,
4-ական դեպք՝ գույքը ոչնչացնելու կամ վնասելու, թմրանյութի իրացման,
3-ական դեպք՝ փաստաթղթեր կեղծելու, աշխատանքի պաշտպանության կանոնները խախտելու,
2-ական դեպք՝ վստահված գույքի հափշտակման, սպանության փորձի, ծառերը-թփերը ապօրինի հատելու, շորթման։

Բացահայտվել է կողոպուտի, բնակարնային գողության, ապօրինի ձեռնարկատիրական գործունեության, համակարգչային հափշտակության, դրամանենգության, ինքնիրավչության, ընդերքի պահպանման կանոնները խախտելու, բնակարանի անձեռնմխելիությունը խախտելու, անձի տիրապետությունից դուրս եկած գույքին տիրանալու, ուրիշի գույքն ապօրինի օգտագործելու և այլ դեպքեր։

Նախկինում կատարված հանցագործություններից բացահայտվել է՝

6 դեպք՝ անձնական ունեցվածքի գողության,
1-ական դեպք՝ խարդախության, բնակարանային գողության, գույքը ոչնչացնելու կամ վնասելու։

Հայտնաբերվել է 19 հետախուզվող, կամավոր ներկայացել է 6-ը։

Հայտնաբերվել է 5 անհայտ կորած։

Գրանցվել է զենք-զինամթերք կամավոր հանձնելու 9 դեպք։

ՃՏՊ վիճակագրություն

Անցած 3 օրում գրանցվել է 53 ավտովթար․ 2 մարդ զոհվել է, 109-ը ստացել տարբեր աստիճանի մարմնական վնասվածքներ։