Քոչարյանն ու Սերժ Սարգսյանը, եթե իսկապես ցանկանում են, որ Փաշինյանը հեռանա, ուրեմն պետք է ծպտուն չհանեն. Նորիկյան

Նորիկ Նորիկյանը գրում է.

Ռոբերտ Քոչարյանը քիչ առաջ տված հարցազրույցում տառացիորեն նշեց, որ իր համար ամենամեծ շոկը եղել է 2021 թվականին, երբ պարտված Նիկոլ Փաշինյանը վերընտրվել է։

Այս մարդը մինչև հիմա չի հասկացել, որ Նիկոը «Հաղթում» է իր ու իր ՈԽԵՐԻՄ ընկեր Սերժ Սարգսյանի անփառունակ գործունեության ու քաղաքական դաշտում գոյություն ունենալու պատճառով․․․

Մի քանի անգամ ասել եմ, հիմա դարձյալ կրկնում եմ․ Եթե մեր ժողովուրդը ցանկացել ու ցանկանում է, որ մեր երկրի վարչապետը լինի Նիկոլ Փաշինյանը, ուրեմն դրա համար պետք է շնորհակալություն հայտնել Սերժ Սարգսյանին ու Ռոբերտ Քոչարյանին։

Այս երկու մարդկանց քսանամյա անփառունակ, հանցավոր, ինչպես նաև մինչև ատամները կոռուպցիայի մեջ թաթախված ռեժիմների գործունեության ծնունդն ու հետևանքն է Նիկոլի իշխանությունը․․․

Ռոբերտ Քոչարյանն ու Սերժ Սարգսյանը, եթե իսկապես ցանկանում են, որ Նիկոլ Փաշինյանը հեռանա, ուրեմն պետք է ծպտուն չհանեն և գլխիկոր ու ինքնակամ հեռանան քաղաքական դաշտից։

Այլընտրանք չկա, այս մարդիկ պետք է ուղղակի հեռացվեն քաղաքական դաշտից, որպեսզի հնարավոր լինի փոխել այս իշխանությանը։

Եթե քաղաքական դաշտի այն բոլոր խաղացողները, որոնք մինչև հիմա այլ կարծիքի են այս հարցերի կապակցությամբ, ուրեմն իրենք համաձայն են, որ քաղաքական դաշտում հաստատված Ստատուս քվոն շարունակվի 2026թ․ հետո։