Իշխանության ագրեսիվ գործողությունները առավել սուր բնույթ են կրելու․ Աբրահամյան
Բլոգոսֆերա
ԱԺ պատգամավոր Տիգրան Աբրահամյանը գրում է․
«Քաղաքական իշխանության և նրա ամբարտավան ներկայացուցիչների ինքնավստահության հիմքում իրավապահ համակարգի ներկայիս կարգավիճակն է, երբ վերջիններս պարզապես ընդդիմախոսների դեմ մահակի են վերածվել:
Իշխանությունը «քայլ առաջ» է արել` ճնշումներ և քաղաքական հետապնդումներ է սկսել ոչ միայն հաղթող համայնքապետների, այլ ընտրություններին լավ արդյունքներ ցույց տված ուժերի նկատմամբ:
Սրանց նպատակը` 2026-ին ընդառաջ, մրցունակ բոլոր ուժերին, գործիչներին էականորեն թուլացնելն է կամ մեկուսացնելը:
Դաշտի հնարավոր բոլոր մրցակիցները հռչակվել են թշնամիներ և նրանց նկատմամբ տարբեր բնույթի հարձակումներ են իրականացվում:
Ակնհայտ է, որ իշխանության ագրեսիվ գործողությունները ակտիվության դինամիկա ունեն և առաջիկայում առավել սուր բնույթ են կրելու:
Իշխանության դեմ քաղաքական պայքարի ցանկացած նախաձեռնություն, ծրագիր պետք է հաշվի այս իրողությունները, հակառակ դեպքում տապալումը երաշխավորված է»:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
