Հայտնաբերվել են Դեդ Հասանի վրա կրակողի ձեռքի ափի հետքերը (տեսանյութ)

Ոստիկանության օպերատիվ աշխատակիցներին հաջողվել է գտնել երեկ 75-ամյա «օրենքով գող» Դեդ Հասանի վրա կրակած անձի ձեռքի ափերի հետքերը: Մինչ այդ հաստատվել էր, որ սպանությունը կատարվել է հատուկ ծառայությունների զենքով: Այդ գործով մի շարք փորձաքննություններ են անցկացվում:

Միաժամանակ Սկլիֆասովսկու անվան հիվանդանոցում վիրահատության են ենթարկել այն կնոջը, որը վիրավորվել էր Դեդ Հասանի վրա կրակելու ժամանակ: Նախնական տվյալներով նա աշխատել է նույն այն ռեստորանում, որի հարևանությամբ տեղի է ունեցել Դեդ Հասանի սպանությունը: Կինը հրազենային վնասվածքներ էր ստացել կրծքավանդակի և ազդրի հատվածներում: 

Մինչ այդ պարզվել էր, որ Դեդ Հասանի վրա կրակել են «Վալ» անձայն հրացանից: Նաև նշվում է, որ Դեդ Հասանի վրա կրակել են հինգ անգամ: Հետաքրքիր է, որ նախկինում շենքի բնակիչները չեն տեսել օտարին և տեղեկացել են միայն ոստիկանության օպերատիվ աշխատակիցների ժամանելուց հետո միայն: Նշենք նաև, որ Ասլան Ուսոյանը չի մահացել հենց հրաձգության վայրում: Թիկնապահները նրան տեղափոխել են Բոտկինսկի հիվանդանոց, որտեղ էլ հենց մահացել է «օրենքով գողը»: Մանրամասները հաղորդում է pravda.ru լրատվական գործակալությունը: