ԱՄՆ-ում Ուկրաինայի ծրագիրը համեմատել են Չեմբերլենի և Հիտլերի գործարքի հետ

Վիրջինիա նահանգից ԱՄՆ սենատոր, Սենատի հետախուզության կոմիտեի ղեկավարի տեղակալ Մարկ Ուորները հայտարարել է, որ նախագահ Դոնալդ Թրամփի վարչակազմի՝ ուկրաինական հակամարտության կարգավորման ծրագիրը «կընկալվի որպես պատմականորեն վատ գործարք, որը համեմատելի է Երկրորդ համաշխարհային պատերազմից առաջ Ադոլֆ Հիտլերին Նևիլ Չեմբերլենի զիջումների հետ»: Նրա խոսքերն է փոխանցում Fox News Sunday-ը։

«Ակնհայտ է, որ այդ պլանը, առնվազն ի սկզբանե, մշակվել է բացառապես հաշվի առնելով ռուսական մասնակցությունը, այլ ոչ թե ուկրաինական», - ընդգծել է Ուորները: Քաղաքական գործիչը նշել է, որ այժմ ամերիկյան իշխանությունները խոսում են ուկրաինական մասնակցության առկայության մասին:

«Այժմ նախագահ Դոնալդ Թրամփը կրկին փոխում է իր կարծիքը՝ այս առաջարկը վերջնական է, թե ոչ։ Ի վերջո, մենք բոլորս խաղաղություն ենք ուզում, բայց մենք չենք ուզում խաղաղություն, որը ձեռնտու կլինի Ռուսաստանի նախագահ Վլադիմիր Պուտինին», - հստակեցրել է սենատորը։