Մակրոնը պատրաստվում է հայտարարել Ֆրանսիայում կամավոր զինվորական ծառայության ներդրման մասին

Ֆրանսիայի նախագահ Էմանուել Մակրոնը պատրաստվում է առաջիկա օրերին հայտարարել կամավոր զինվորական ծառայության ներդրման մասին, հաղորդում է Le Figaro-ն՝ հղում անելով աղբյուրներին։

Ըստ աղբյուրների՝ Մակրոնը կարող է հայտարարություն անել հինգշաբթի՝ նոյեմբերի 27-ին։ G20 գագաթնաժողովի շրջանակներում Ֆրանսիայի նախագահը պարզաբանել է, որ նախագիծը վերջին մի քանի ամիսների ընթացքում քննարկվել է համաշխարհային անվտանգության համատեքստում, որը բնութագրվում է «անորոշությամբ» և «աճող լարվածությամբ»։

«Աշխարհում, որտեղ մենք ապրում ենք՝ լի անորոշությամբ և աճող լարվածությամբ, եթե մենք իսկապես ուզում ենք անվտանգ լինել, պետք է զգուշացնենք մյուսներին ներխուժման դեմ։ Ֆրանսիան պետք է մնա ուժեղ պետություն՝ ուժեղ բանակով, բայց նաև համատեղ գործողությունների կարողունակությամբ», - ասել է Մակրոնը։