Գերմանիայի ԱԳ նախարար Վադեֆուլը Ուկրաինայի շուրջ բանակցությունները «Եվրոպայի համար հաջողված» է անվանել

Գերմանիայի արտաքին գործերի նախարար Յոհան Վադեֆուլը Ռուսաստանի հետ հակամարտության կարգավորման վերաբերյալ ամերիկյան և ուկրաինական պատվիրակությունների միջև բանակցությունները համարել է Եվրոպայի համար հաջողություն, հաղորդում է Reuters-ը։

«Եվրոպային, այդ թվում՝ ՆԱՏՕ-ին վերաբերող բոլոր հարցերը բացառվել են այս ծրագրից. սա վճռորոշ հաջողություն է, որին մենք հասանք երեկ», - ասել է Վադեֆուլը։

Նա կրկնել է, որ եվրոպացիների և ուկրաինացիների «գլխից վեր» որևէ համաձայնության չի կարելի հասնել։