Հնարավո՞ր է արդյոք առանց քրեական հոդվածի, մարդն ունենա մեղադրյալի կարգավիճակ. ես դիմել եմ ԱԲ-ին. Քոչարյան

Հայաստանի երկրորդ նախագահ Ռոբերտ Քոչարյանը հարց է տվել արհեստական բանականությանը՝ արդյո՞ք առանց քրեական գործի մարդը կարող է մեղադրյալ լինել։ Արհեստական բանականությունը կատարվող անհեթեթության նախադեպեր չի գտել։ Այս մասին հայտարարել է նախկին նախագահը՝ հակասահմանադրական ճանաչված հոդվածով իր դատական նիստի ժամանակ։ «Դատարանների վրա պլան է դրված»,– արձանագրել է Քոչարյանը։ «Ոչ ոք չի կարող պլանավորել, օրենքն է սահմանում ավարտվածը»,– նկատել է Քոչարյանը և նշել, որ առաջին անգամ են դատարանում նման շրջաբերականի մասին լսում, ինչը ավելի շատ զարմացնում է, և լսում են, որ դատարանները դրանով առաջնորդվում են։

Դատավորը շտապել է հավաստիացնել, որ չի առաջնորդվում շրջաբերականով, միայն՝ ողջամիտ ժամկետներով և արդյունավետությամբ է նիստը վարում։ Բայց այն ժամանակ և միջոցներ է խլում, արձագանքել են նիստի դահլիճից։

Այդ պահին դատավորն առաջարկել է շաբաթական ոչ թե երեք անգամ, այլ մեկ անգամ նիստ նշանակել, բայց ամբողջ օրով անցկացնելու տարբերակը։

«Շատ երկար մտորելուց հետո արհեստական բանականությունն ասաց, որ անհեթեթություն է։ Աշխարհում չկա երկիր, որտեղ նման բան հնարավոր լինի։ Ես խնդրեցի նման օրինակ բերել, նա պատասխանեց, որ վերջին 100 տարվա ընթացքում նման օրինակ չի գտնվել։ Եթե խոսում ենք ստափ մոտեցման մասին, ապա նման նիստ ընդհանրապես չպետք է լիներ։

Պահպանվում է ներքին համոզմունքը, որ ընդհանուր անհեթեթություն է կատարվում»,– նշել է Քոչարյանը և խնդրել դատավորին, եթե արհեստական բանականությունը սխալվում է, նման օրինակ բերել։ «ՍԴ որոշումից հետո, շարունակում է նախագահ Քոչարյանի դատավարությունըհ մարտի 1-ի գործով, աղմկահարույց գործով անցնող անձանց նկատմամբ քրեական հետապնդումը դադարեցվել է, հակասահմանադրական էր ճանաչվել մեղադրանքի հոդվածը։

Որոշումը բողոքարկվել էր, գործն անցել էր Հակակոռուպցիոն դատարանը, որը քննում էր նոր մեղադրանք առաջադրելու մասին մեղադրող կողմի միջնորդությունը։