Բալթիկ ծովում մեկնարկել են ՆԱՏՕ-ի զորավարժությունները

Բալթիկ ծովում մեկնարկել են Հյուսիսատլանտյան դաշինքի երկրների լայնամասշտաբ զորավարժությունները: Այս մասին հայտարարել են Ֆինլանդիայի ռազմածովային ուժերը, հաղորդագրությունը հրապարակվել է պաշտոնական կայքում։

«Freezing Winds 25 աշնանային գլխավոր զորավարժությունները ռազմածովային ուժերի ղեկավարությամբ կանցկացվեն Ֆինլանդիայի հարավում՝ Արշիպելագային ծովում և Ֆիննական ծոցի գետաբերանում 2025 թվականի նոյեմբերի 24ժից մինչև դեկտեմբերի 4-ը», - ասված է մամուլի հաղորդագրության մեջ: Զորավարժություններին կմասնակցեն Բելգիայի, Դանիայի, Էստոնիայի, Ֆրանսիայի, Գերմանիայի, Լատվիայի, Լիտվայի, Նիդեռլանդների, Լեհաստանի և ԱՄՆ-ի ռազմածովային ուժերի նավերն ու անձնակազմը, ինչպես նաև ՆԱՏՕ-ի 1-ին մշտական հակաականային խումբը:

Ընդհանուր առմամբ, զորավարժությանը կներգրավվի մոտ 5000 զինծառայող և դաշնակիցների մոտ 20 նավ։ Նրանց կմիանան նաև կործանիչներ, ուղղաթիռներ և ծովային հսկողության ինքնաթիռներ։ Ինչպես ճշտել են Ֆինն զինվորականները, մասնակիցները կմշակեն ծովային հաղորդակցության և կրիտիկական ենթակառուցվածքի պաշտպանությունը, պաշտպանական գործողությունները ծովային դեսանտի վայրէջքի ժամանակ և նավատորմի համատեղ գործողությունները առափնյա ուժերի հետ: