Հնդկաստանի Су-30МКИ կործանիչները Ֆրանսիա են ժամանել Garuda 25 զորավարժություններին

Հնդկաստանի ռազմաօդային ուժերի ռուսական արտադրության Су-30МКИ կործանիչները մասնակցում են Garuda 25 միջազգային զորավարժություններին, որոնք անցկացվում են Ֆրանսիայի հարավ–արևմուտքում գտնվող Մոն-դե-Մարսան ավիաբազայում։ Ինչպես գրում է Military Watch Magazine-ը (MWM), այնտեղ հնդիկ օդաչուները կարող են համատեղ գործել ֆրանսիական Rafale և Mirage 2000 կործանիչների հետ։

Զորավարժությունները անցկացվում են նոյեմբերի 16–27-ը։ Հրապարակված կադրերում երևում է, որ ավիաբազայում կողք կողքի կանգնած են վեց Су-30 և Rafale կործանիչներ, ինչը մեծ հետաքրքրություն է առաջացրել դիտորդների շրջանում։ MWM-ը նշում է, որ արևմտյան ռազմական մասնագետները բարձր են գնահատում համատեղ վարժանքները, քանի որ Су-30МКИ-ն տեխնոլոգիական առումով մոտ է ռուսական ավելի առաջադեմ մոդելներին՝ Су-30СМ և Су-35։

Պարբերականը հիշեցնում է, որ Հնդկաստանի Су-30МКИ–ները բազմիցս դարձել են միջազգային օդային մարտավարական վարժանքների մասնակից։ Վերջերս F-35B, ինչպես նաև Ճապոնիայի ինքնապաշտպանության ուժերի օդաչուները կատարել էին այս կործանիչների հետ մոդելավորված օդային մարտեր։ MWM-ի տվյալներով՝ Су-30МКИ-ն մի շարք ցուցանիշներով՝ ռադար, շարժիչ, թռիչքային կարողություններ և հեռահարություն, գերազանցում է Rafale-ին, իսկ Հնդկաստանի ՌՕՈւ-ն այսօր աշխարհում այս մոդելի ամենամեծ օպերատորն է։