Թրամփի ուկրաինական ծրագրի զարգացման երեք սցենար է բացահայտվել․ FT

Ուկրաինայում հակամարտության կարգավորման ԱՄՆ նոր ծրագրի շուրջ կա առնվազն երեք հնարավոր սցենար։ Այս մասին գրել է Financial Times-ի մեկնաբան Գիդեոն Ռախմանը։

Նրա խոսքով՝ առաջին սցենարը ենթադրում է Կիևի կողմից Վաշինգտոնի առաջարկների մերժում։ Հոդվածագիրը կարծում է, որ այս դեպքում ԱՄՆ նախագահ Դոնալդ Թրամփը կդադարեցնի Ուկրաինային տրամադրվող ողջ օգնությունը։

Եթե Ռախմանի նկարագրած երկրորդ սցենարը իրականանա, ԱՄՆ խաղաղության ծրագիրը կդառնա Ռուսաստանի և Ուկրաինայի միջև բանակցությունների հիմքը։ Կիևը կկարողանա էական փոփոխություններ կատարել փաստաթղթում։ Երրորդ սցենարը ենթադրում է, որ ԱՄՆ փաստաթղթում առկա «բազմաթիվ հակասություններն ու երկիմաստությունները» կհանգեցնեն խաղաղության նախաձեռնությունների խափանմանը, և ռազմական հակամարտությունը կշարունակվի։

Հոդվածագիրը կարծում է, որ Ուկրաինայի նախագահ Վոլոդիմիր Զելենսկին ոչ մի առավելություն չունի ԱՄՆ ծրագրին համաձայնելու հարցում՝ դրա ենթադրյալ տարածքային զիջումների պատճառով։ Այնուամենայնիվ, նա կարող է ժամանակը ձգձգել փաստաթուղթը փոփոխելու համար։ Ռախմանը հավելել է, որ Զելենսկին չպետք է խափանի ծրագրի քննարկումները, քանի որ անհաջող խաղաղության կարգավորումը կվտանգի Ուկրաինայի գոյությունը։