Զելենսկու գրասենյակը հայտարարում է․ Թրամփի 28 կետանոց ծրագիրը ամբողջությամբ վերամշակվել է և այլևս գոյություն չունի

Ուկրաինայի նախագահի աշխատակազմի խորհրդական Ալեքսանդր Բևզը հայտնել է, որ ԱՄՆ նախագահ Թրամփիի վարչակազմի մշակած 28 կետանոց խաղաղության պլանը «այն տեսքով, որով այն հայտնի էր, այլևս գոյություն չունի»։ Նրա հայտարարությունը հրապարակվել է Facebook–ում (արգելված է Ռուսաստանում)։

Բևզի խոսքով՝ ծրագիրը լիովին վերանայվել է, և Կիևի բոլոր դիտողությունները հաշվի են առնվել։ «Որոշ կետեր ամբողջությամբ հանվել են, որոշներն էլ՝ փոփոխվել», — նշել է նա։ Խորհրդականը վստահեցրել է, որ Ուկրաինան չի ընդունել իրեն անընդունելի պայմաններ։

Թրամփի 28 կետանոց խաղաղության նախնական նախագիծը ներկայացվել էր Կիևին անցյալ շաբաթ։ Այն պարունակում էր բազմաթիվ կոշտ պահանջներ, ներառյալ՝ Ուկրաինայի հրաժարումը ՆԱՏՕ-ին անդամակցելուց և Ղրիմի, Դոնեցկի ու Լուգանսկի ճանաչումը Ռուսաստանի կազմում։ Վաշինգտոնը, ըստ հաղորդումների, ցանկանում է, որ համաձայնագիրը ստորագրվի մինչև նոյեմբերի 27-ը՝ Շնորհակալության օրը։

Ավելի վաղ հաղորդվել էր, որ Ժնևում կայացած բանակցությունների ընթացքում ուկրաինական պատվիրակությանը հաջողվել է փոփոխել նախագծի մեծ մասը՝ հանելով Կիևի համար անցանկալի դրույթները։