Իտալիան Մոսկվային ուղարկում է «զգուշավոր ազդակներ»․ քաղաքագետ

Իտալիայի վարչապետ Ջորջա Մելոնին, պահպանելով ՆԱՏՕ-ի գիծը, միաժամանակ Մոսկվային փոխանցում է զգուշավոր և շեշտված ազդակներ՝ շփումները չկոտրելու նպատակով։ Այս մասին «Лента.ру»-ի հետ հարցազրույցում հայտարարել է Ուրբինոյի Կարլո Բոյի համալսարանի միջազգային հարաբերությունների պրոֆեսոր Իգոր Պելիչչիարին։

Քաղաքականագետի խոսքով՝ Մելոնին շարունակում է հետևել Ատլանտյան դաշինքի քաղաքականությանը, սակայն կարևոր էլեմենտ է այն, որ Իտալիան Մոսկվա է ուղարկել նոր դեսպան Սթեֆանո Բելտրամեին՝ Մատեո Սալվինիի մտերիմ գործընկերոջը։ Սալվինին համարվում է Մելոնիի կառավարության այն անդամը, ով առավել բարեկամական դիրք ունի Ռուսաստանի նկատմամբ։ Այս քայլը, Պելիչչիարիի կարծիքով, վկայում է ոչ թե կուրսի փոփոխության, այլ իտալական էլիտաների «հաշվարկված ռեալիզմի» մասին, որոնք չեն թաքցնում ռուսական շուկա վերադառնալու հետաքրքրությունը։

Ավելի վաղ Պելիչչիարին գնահատել էր ԵՄ միասնությունը ուկրաինական հարցում՝ նշելով, որ այսօր դաշնությունը ակնհայտորեն բաժանված է արևելյան և արևմտյան բլոկների միջև՝ ինչը ազդում է ընդհանուր քաղաքական համադրման վրա։