Ու՞մ պատվերով սպանեցին Դեդ Հասանին. պատասխաններ (տեսանյութեր)

Դեդ Հասանի սպանության հավանական պատվիրատուները կարող են լինել քրեական աշխարհի ընդդիմադիր խմբավորումների առաջնորդներ Ջամալ Միքելաձեն և Ռովշան Ջանիևը:

Հունվարի 16-ին Մոսկվայի կենտրոնում դիպուկահարի կրակոցից սպանվեց Ասլան Ուսոյանը, ով համարվում էր ռուսական քրեական աշխարհի ամենաազդեցիկ դեմքերից մեկը: Միջադեպը տեղի ունեցավ Մոսկվայի Большой Никитской փողոցում, «Старый фаэтон» ռեստորանային համալիրի մուտքի մոտ, որը և հենց Դեդ Հասանի օֆիսն էր համարվում:

Դեդ Հասանը երկար ժամանակ է՝ ապրում էր Կրասնոդարում: ԶԼՄ-ների փոխանցմամբ՝ հենց այդ երկրամասում էին նրա հիմնական բիզնես-ակտիվները: Տեղեկություններ կային նաև, ըստ որոնց՝ Դեդ Հասանի ունեցվածքին այդ երկրամասում հավակնում է քրեական հեղինակություն Տարիել Օնիանին (Տարո):

«Մինչ Ասլան Ուսոյանը պատերազմում էր հին թշնամիների դեմ, Տարիել Օնիանիին չէր նկատել, ինչպես նաև աննկատ էին մնացել քրեական աշխարհում իր դեմ ձևավորվող նոր ուժերը: Նրանց առաջնորդները դարձան «քրեական գեներալները»՝ Ջեմո Միքելաձեն (Ջեմո) և Ռովշան Ջանիևը (Ռովշան Լենքորանսկի)»,- գրում է «Росбалт»-ը:

Ռովշան Լենքորանսկու քրեական կարիերան սկսվել է 1996 թվականին, ներկա դրությամբ համարվում է ամենահարուստ «օրենքով գողերից» մեկը: ԶԼՄ-ների տվյալներով՝ Ռովշանը արդեն վաղուց է հավակնում ադրբեջանական քրեական աշխարհի առաջնորդի դերին: Միևնույն ժամանակ Ադրբեջանի «օրենքով գողերը», ովքեր Դեդ Հասանի կլանից են, դեմ են Ռովշանին այդ դերում տեսնելուն, մասնավորապես Բախիշ Ալիևը (Բախա), Նադիր Սալիֆովը (Լոտու Գուլու) և Յուսիֆ Ալիևը (Յուսկա Շամկիրսկի): Ռովշանի և Բախայի հիմնական կոնֆլիկտների պատճառ է Մոսկվայի «կանաչիների մեծածախ շուկան»:

The Moscow Post կայքի տեղեկությունների համաձայն՝ հետագայում Ռովշանը փորձել է ազատվել ադրբեջանցի օրենքով գողերից՝ Բախիշա Ալիևից և Վագիֆա Տուկանովայից՝ ուղարկելով նրանց բանտ:

Այդ օպերացիան Ռովշանը իրականացրել է ՆԳՆ աշխատակցի օգնությամբ: Ռովշանը նույն մարդու հետ իրականացրեց 12 «օրենքով գողերի» «сходка»-ն: Սցենարի համաձայն՝ ձերբակալվեցին բոլոր «օրենքով գողերը»: Օպերացիայի հաջող ավարտից հետո երիտասարդ «օրենքով գողը» ցույց տվեց ոստիկանների հետ համագործակցելու, ինչպես նաև հարցեր լուծելու ընդունակությունները: Այնուհետև Ջանիևը ձերբակալվեց Ուկրաինայում կեղծ անձնագրով, որից հետո փոխանցվեց Ադրբեջանի համապատասխան օրգաններին: Ադրբեջանում կրեց նվազագույն պատիժ, որից հետո ազատ արձակվեց:

Այդ ընթացքում «օրենքով գող» Վագիֆը հանդիպեց Դեդ Հասանին, լրատվամիջոցների փոխանցմամբ՝ Վագիֆը Դեդ Հասանից թույլտվություն էր խնդրում ադրբեջանցի «օրենքով գող» Ռովշանին ոչ կոռեկտ պահվածքի պատճառով զրկել «օրենքով գողի» կոչումից:

Այդ ընթացքում Ջանիևը արդեն համագործակցում էր վրացի «օրենքով գողեր» Ջեմոյի և Մամուկ Միքելաձեի հետ, ովքեր նույնպես դեմ էին Դեդ Հասանին:

«Ջեմոն համարվում է քրեական աշխարհի ամենահայտնի կերպարներից մեկը: Ցանկացած կոնֆլիկտի պարագայում նա ունի իր սեփական տեսակետը և ցանկացած իրավիճակում ինքնուրույն է կողմնորոշվում: Վերջին շրջանում Միքելաձեն ստիպված էր ապրել Եվրոպայում և չէր էլ թաքցնում իր կապը Դեդ Հասանի դեմ գործող խմբավորման առաջնորդ Մերաբ Ջանգվելաձեի հետ»,- փոխանցում է «Прайм-Крайм»-ը:

«Ռովշանի ջանքերով Միքելաձե եղբայրները կազմակերպեցին հանդիպում, որին հրավիրված էր նաև Վագիֆը: Հանդիպման ժամանակ երիտասարդ Ռովշանը դաժանաբար ծեծի է ենթարկում ծեր Վագիֆին: Հարվածներ է հասցնում անգամ ոտքերով, սակայն գործող օրենքների համաձայն՝ այդ իրավունքը չուներ: Այդ մասին տեղեկությունները հասնում են Դեդ Հասանին, ով զայրանում է և անգամ ուզում է պատժել Ռովշանին: Սակայն Ռովշանը արագ լքում է Մոսկվան, այս անգամ ևս ուղևորվում է Ուկրաինա, որտեղ ոստիկանները նորից ձերբակալում են նրան՝ անօրինակ կերպով երկրի տարածք ոտք դնելու համար»,- ասվում էր The Moscow Post-ի նյութերում:

Այնուհետև Միքելաձե-Ջանիև խմբավորմանը միացան «օրենքով գողեր» Քարդավա եղբայրները, ինչպես նաև Դեդ Հասանի գործընկեր Ակոբ Ռիժին: Լրատվամիջոցները հայտնում էին, որ Ակոպը վախեցել է Ուսոյանի դեմ իրականցվող մահափորձերից:

2010 թվականի դեկտեմբերի 16-ի երեկոյան Մոսկվայում Տվերսկոյ փողոցում Ասլան Ուսոյանի նկատմամբ իրականացվեց մահափորձ: Նախապես հաղորդվում էր, որ Դեդ Հասանը և նրա թիկնապահը սպանվել են, որից հետո ոստիկանները հայտնեցին, որ այդ լուրերը չեն համապատասխանում իրականությանը: Երեք փամփուշտ Ուսոյանի որովայնի հատվածում, որից հետո անմիջապես տեղափոխվել է հիվանդանոց և խիստ հսկողության տակ է:

The Moscow Post-ի տեղեկությունների համաձայն՝ մահափորձը ծրագրվել և իրականացվել էր Ջամալ եղբայրների և Մամուկ Միքելաձեի կողմից Ռովշան Ջանիևի հետ միասին, իսկ Ակոպ Ռիժին այդ գործողություններում տեղեկությունների մատակարար էր համարվում: ԶԼՄ- ների փոխանցմամբ՝ հետագայում օրենքով գողերի հանդիպման ժամանակ Դեդ Հասանը հայտարարել էր, որ մահափորձը իր դեմ պատվիրել էր ադրբեջանցի օրենքով գող Ռովշան Ջանիևը, իսկ կատարողը իսլամական քիլլերների խմբավորումն է՝ «Ասխաբա»-ն:

2011 թվականի վերջում հետևեց Դեդ Հասանի որոշումը, ըստ որի՝ նա աջակցում էր այն «օրենքով գողերին», ովքեր կողմ էին Ջեմալ Միքելաձեին օրենքով գողի կոչումից զրկելուն: Ինչպես «Коммерсант»-ին հայտնել են ականատեսները, այդ ամենը արվել է չափից դուրս վիրավորական ձևով: Դեդ Հասանը իր կողմնակիցների ներկայությամբ զանգահարում է Ջեմոյին, ով Փարիզում էր իր կողմնակիցների հետ, խնդրում միացնել հեռախոսը բարձրաձայն, որից հետո հայտարարում, որ Ջեմոն այլևս օրենքով գող չէ, որից հետո նրա հասցեին ոչ ցենզուրային արտահայտություն անում:

2012 թվականի ապրիլին Մոսկվայում սպանվեց 52-ամյա Իլգար Ալիևը: Տեղեկությունների համաձայն՝ Իլգար Ալիևը Դեդ Հասանի հետ շատ ջերմ հարաբերությունների մեջ էր և ղեկավարում էր Դեդ Հասանի ադրբեջանական բիզնեսը: «Նախնական վարկածի համաձայն՝ սպանության պատվիրատուն 37-ամյա Ռովշան Ջանիևն է՝ միակ ադրբեջանցի օրենքով գողը, ով հակասությունների մեջ էր Դեդ Հասանի հետ: Որոշակի տվյալների համաձայն՝ սպանվածը Ռովշան Ջանիևի հիմնական մրցակիցն էր»,- գրում է «Прайм-Крайм» կայքը:

2012 թվականի հունիսին Դուբայում հարաբերությունների պարզեցման ժամանակ Ռովշանը դաժանաբար կտրում է Լեվան Ջանգվելաձեի կոկորդը: Իսկ սեպտեմբերին արդեն «Прайм-Крайм»-ը հայտնեց, որ Եվրոպայում Ջանիևի վրա մահափորձ է իրականացվել հրազենային զենքի կիրառմամբ:

2012 թվականի նոյմբերին Ադրբեջանում լուրեր տարածվեցին, ըստ որի՝ Ռովշան Ջանիևը այլևս «օրենքով գող» չի համարվում: «Прайм-Крайм» տեղեկատվական գործակալության տեղեկությունների համաձայն՝ այդ որոշման տակ ստորագրել են 21 վրացի և 9 ադրբեջանցի «օրենքով գողեր»: Այդ ամենի հեղինակը համարվում էր հենց Դեդ Հասանը:

«2012 թվականի աշնանը և դեկտեմբերին Ջանիևի կողմից կազմված «օրենքով գողերի» միավորված ընդդիմությունը երկրի սահմաններից դուրս իրականացրել են հանդիպումներ, որոնց ընթացքում քննարկվել են Ուսոյանի վերացման ծրագրերը քրեական աշխարհում, ինչպես նաև նոր պատերազմի վերսկսման տարբերակները: Այն, որ պատերազմ է լինելու, ոչ մի կասկած չկար: Ռովշանը ապրում է Դուբայում, որտեղ և իրականացվում են «օրենքով գողերի» հիմնական հանդիպումները»,- նշվում է Росбалт-ի նյութերում: