Սպիտակ տունը բացահայտել է Ուկրաինայի հարցով խաղաղ պլանի մշակման մանրամասները

ԱՄՆ նախագահի վարչակազմը նախապատվություն չի տալիս ուկրաինական հակամարտության կողմերից որևէ մեկին, երկխոսությունն ընթանում է հավասար պայմաններում և՛ Կիևի, և՛ Մոսկվայի հետ։ Նման հայտարարությամբ հանդես է եկել Սպիտակ տան մամուլի քարտուղար Կարոլին Լևիտը, նրա խոսքը մեջբերում է Lenta-ն։

«Ես ցանկացած քննադատության պատասխան կնշեի ուկրաինացիների երեկվա խոսքերը, որոնք հայտարարել են, որ շատ դրական են վերաբերվում այդ ծրագրին։ Ակտիվ մասնակցություն են ունեցել: Նրանք անմիջական ներդրում են ունեցել այդ պլանի ձևակերպման մեջ», - կիսվել է Լևիտը կարգավորման պլանի մշակման մանրամասներով։

Բացի այդ, մամուլի քարտուղարն ընդգծել է, որ Վաշինգտոնն ուղիղ կապի մեջ է Կիևի հետ: Նա նաև մերժել է ծրագրի որոշ քննադատների խոսքերն այն մասին, որ Ուկրաինան, ի տարբերություն Ռուսաստանի, ստիպված կլինի մեծ զիջումների գնալ խաղաղության հասնելու համար: