Տոպուրիան ստախոս է, եւ եթե նա ինձ ապտակած լիներ՝ տեղում կսպանեի․ Արման Ծառուկյան

Խառը մենամարտերի թեթեւ քաշային կարգում UFC դասակարգման առաջին համար Արման Ծառուկյանը (Հայաստան) մեկնաբանել է նույն քաշային կարգում UFC չեմպիոն Իլիյա Տոպուրիայի հայտարարությունը, թե ապտակել է Ծառուկյանին, բայց պատասխան չի ստացել։

«Տոպուրիան ստախոս է։ Նա մոտեցավ եւ ողջագուրվեց, իսկ հիմա հայտարարում է, թե ապտակել է ինձ։ Եթե նա ինձ ապտակած լիներ, ես կծիծաեի՞։ Ես տեղում կսպանեի նրան։ Եթե քեզ հարվածում են, իսկ դու ոչինչ չես անում՝ դու տղամարդ չես։

Նա կեղծավոր է։ Կյանքում լավ տղա է ձեւանում, իսկ համացանցում հիմարություն է գրում։ Ես նրա նման կեղծ չեմ»,- ասել է Արման Ծառուկյանը The Ariel Helwani Show յութուբյան ալիքի եթերում։

Դոհայում անցկացված  UFC 265 մրցաշարի գլխավոր մենամարտում Արման Ծառուկյանը (Հայաստան) երկրորդ ռաունդում խեղդող հնարքով հաղթել էր դասակարգման 6-րդ համար Դեն Հուքերին (Նոր Զելանդիա)՝ ստանալով չեմպիոնի հավակնորդի կարգավիճակ։