Հովտաշատ գյուղի տներից մեկում զենք-զինամթերք են հայտնաբերել

ամայնքային ոստիկանության Մասիսի բաժնի ծառայողները օպերատիվ տեղեկություն էին ստացել, որ Հովտաշատ գյուղի տներից մեկում ապօրինի զենք-զինամթերք է պահվում: Այս մասին տեղեկանում ենք ՆԳՆ ոստիկանությունից։

Ձեռնարկված օպերատիվ-հետախուզական միջոցառումների արդյունքում պարզվել է, որ տեղեկությունը հավաստի է, իսկ ապօրինի զենք-զինամթերքը պատկանել է հանգուցյալ տանտիրոջը: Հովտաշատ մեկնած համայնքային ոստիկաններին հանգուցյալի երևանաբնակ որդին ներկայացրել է «ԻԺ» մոդելի հրացան, ատրճանակ, 5,6 մմ տրամաչափի 195 փամփուշտ, ինչպես նաև օդամղիչի փամփուշտներ։

Կազմված փաստաթղթերն ուղարկվել են Մասիսի քննչական բաժին։

ՆԳՆ ոստիկանությունը հորդորում է քրեական պատասխանատվությունից խուսափելու համար կամավոր հանձնել ապօրինի պահվող զենք-զինամթերքը։