Կիևը ընդհատել է Ստամբուլի բանակցությունները. Պեսկով

Ռուսաստանի և Ուկրաինայի միջև Ստամբուլում բանակցությունները դադարեցվել են Կիևի նախաձեռնությամբ, սակայն ներկայումս աշխատանքներ են տարվում ուկրաինական և ամերիկյան կողմերի միջև: Այս տեղեկատվությունը հաստատել է Ռուսաստանի նախագահի մամուլի քարտուղար Դմիտրի Պեսկովը, գրում է ՏԱՍՍ-ը։

Նրա խոսքով՝ քննարկումները հիմնված են ԱՄՆ նախագահ Դոնալդ Թրամփի կողմից առաջարկված խաղաղության ծրագրի նախագծի վրա։

Պեսկովը նաև նշել է, որ Ռուսաստանը շնորհակալություն է հայտնում Թուրքիային Մոսկվայի և Կիևի միջև բանակցությունների վերսկսման համար պայմաններ ապահովելու պատրաստակամության համար։