Որոնք են ԵՄ-ի՝ Ուկրաինայի հարցով մտահոգությունները․ Politico

Եվրամիությունում սկսել են զգուշանալ ռուսական սառեցված ակտիվների հաշվին Ուկրաինային վարկ տրամադրելու գաղափարի ձախողումից՝ հակամարտության կարգավորման ԱՄՆ-ի խաղաղ ծրագրի պատճառով: Այս մասին հայտնում է Politico-ն՝ վկայակոչելով իր աղբյուրները։

«Որոշ եվրոպացի դիվանագետներ մտավախություն ունեն, որ սառեցված ռուսական ակտիվների օգտագործմամբ Ուկրաինային հատուցող վարկ տրամադրելու ամբողջ գաղափարը կփլուզվի, եթե խաղաղության համաձայնագրի վերջնական նախագծում հղում լինի այդ միջոցների օգտագործմանը», - հայտնել է ամսագիրը:

Նյութի հեղինակները նաև նշել են, որ Euroclear-ը «ստիպված կլինի գումարը հետ փոխանցել» Մոսկվային, եթե պատժամիջոցների սահմանափակումները հանվեն Ռուսաստանից:

Նրանք նշել են, որ նման իրավիճակը կարող է ստիպել Եվրամիության պետությունների հարկատուներին վերադարձնել գումարները, ինչը, «ամենայն հավանականությամբ, կհանգեցնի ԵՄ երկրների կառավարությունների վրա լուրջ ճնշման»: