UFC-ում չեն ցանկանո՞ւմ, որ Արման Ծառուկյանը դառնա չեմպիոն

UFC-ի նախկին չեմպիոն Շոն Օ’Մալին իր YouTube-ալիքում տեղադրված տեսանյութում կիսվել է թեթև քաշային կարգի դասակարգման առաջատար Արման Ծառուկյանի և նույն քաշային կարգի գործող չեմպիոն Իլյա Թոփուրիայի միջև հնարավոր մենամարտի վերաբերյալ իր կարծիքով։  

«Չեմ կարծում, որ UFC-ն մենամարտ կնշանակի Արմանի և Իլյայի միջև։ Կարծում եմ՝ UFC-ին դուր է գալիս Թոփուրիային չեմպիոն պահելը։ UFC-ում ոչ ոք չի ցանկանում, որ Արմանը չեմպիոն դառնա։ Բայց նա մեծ հնարավորություն ունի հաղթելու Թոփուրիային։ Եթե որևէ մեկն ունի նրան հաղթելու հնարավորություն, դա Արման Ծառուկյանն է», – ասել է Օ’Մալլին։