Ամերիկայում Հայկական դատի հանձնախումբը կոչ է արել Կոնգրեսին ընդլայնել Հայաստանի հետ համագործակցությունը

Ամերիկայի հայ դատի հանձնախումբը կոչ է արել Ամերիկային ավելացնել օժանդակությունը և նեծացնել Հայաստանի հետ առևտրի շրջանառությունը։ Այս մասին նշված է հանձնախմբի պաշտոնական կայքում։

Նշելով, որ Հայաստանը արձանագրել է տնտեսական աճ՝ նոր հիմնադրված 113-րդ Կոնգրեսին կոչ է արել ընդլայնել տնտեսական օժանդակությունը Հայաստանին, ինչպես նաև զարգացնել առևտրի և ներդրումների հայ-ամերիկյան ծրագրերը: Նամակում, որպես զարգացման ցուցանիշներ, հատկապես շեշտվել են հետևյալ կետերը։

Համաշխարհային բանկն իր 2013 թվականի «Գործարարություն» հոդվածում Հայաստանը նշել էր աշխարհում 32-րդ վայրում գործարարության տեսանկյունից, 11-րդը՝ նոր բիզնեսներ ձեռնարկելու տեսանկյունից և 4-րդը՝ սեփականության գրանցման տեսանկյունից։ 

The Wall Street Journal/Heritage Foundation-ի ազատ տնտեսության ցուցակում աշխարհը Հայաստանում 38-րդ հորիզոնականում էր, Եվրոպական 43 երկրների շարքում՝ 17-րդ։ 

Համաշխարհային տնտեսական ֆորումի «2012 թվականի Համաշխարհային տնտեսության բարենպաստ պայմաններ» հոդվածում Հայաստանը համարել էր 13-րդը աշխարհում շուկայի մուտք գործելու առումով և 59-րդը ընդհանուր մասշտաբների այդ թվում համակարգերի, քաղաքականությունների և ծառայությունների ընդարձակման համար։

Freedom House-ն իր «2013 թվականի ազատությունը աշխարհում» հոդվածում Հայաստանը համարել էր մասամբ ազատ պետություն։

Ավելին, Ամերիկայի հայ դատի հանձնախումբը որպես ցուցանիշներ նշել էր նաև Հայաստանի ռազմավարական համագործակցությունը ԱՄՆ-ի հետ, երբ Հայաստանն ուղարկել է իր զորքերը ՄԱԿ-ի խաղաղապահների շարքում Աֆղանստան, Իրաք և Կոսովո։

ԱՄՆ-ի կողմից Հայաստանին տրամադրվող օգնությունն առավելանգույնն է եղել 2003թ.՝ կազմելով 174 մլն դոլար, ինչից հետո այդ ցուցանիշը կայուն անկում է գրանցել։ Դա պայմանավորված է եղել թե՛ եկող վարչակարգերի քաղաքականությամբ, թե՛ կրճատումներ պահանջող Կոնգրեսի ճնշմամբ։

Օբամայի վարչակարգը, անկախ նախագահի նախընտրական խոստումից, փորձում է նոր կրճատումներ մտցնել Հայաստանին տրամադրվող օգնության ծրագրում։ Արդյունքում, Հայաստանին տրամադրվելիք տնտեսական և ռազմական օգնության չափը կազմել է 45 մլն դոլարից էլ պակաս։ Այժմ ANCA-ն խնդրում է այդ թիվն առնվազն 50 մլն դոլարի հասցնել։