Դեդ Հասանի մարմինը վերադարձրել են Մոսկվա

Մոսկվայում սպանված քրեական հեղիկանություն Ասլան Ուսոյանի՝ Դեդ Հասանի մարմինը Դոնեցկից ետ են տեղափոխել Մոսկվա՝ վրացական իշխանությունների կողմից նրա հուղարկավորումը Վրաստանի տարածաքում արգելելու պատճառով, գրում է Интерфакс-ը՝ վկայակոչելով իրավապահ մարմինների իր աղբյուրներին:

Ավելի վաղ Ասլան Ուսոյանի ընտանիքը դիմել էր վրացական իշխանություններին՝ խնդրելով թույլատրել նրա հուղարկավորումը Վրաստանի տարածքում, ուր և նա ծնվել էր:

Նախօրեին Ուսոյանի մարմինը տեղափոխվել էր Դոնեցկ, որտեղից էլ ակնկալվում էր նրան տեղափոխել Վրաստան, սակայն վրացական իշխանությունների կողմից թույլտվություն չստանալով՝ նրա մարմինը ետ կբերվի Մոսկվա և հավանաբար կթաղվի Դանիլովսկի գերեզմանատանը, հայտնում է գործակալության աղբյուրը: