Ինչ լավ բան են արել Կայա Կալլասը, Եվրոպական հանձնաժողովը Հայաստանի համար. ՌԴ ԱԳՆ

«Եթե Կայա Կալլասին խնդրեն օգնել և օգնություն ցուցաբերել Մոլդովային, ամեն ինչ շատ վատ կավարտվի։ Անկեղծ ասած, այնպես, ինչպես է այն հիմա ավարտվում, նույնիսկ չգիտեմ՝ ավարտվո՞ւմ է, ցավոք, ինչպես դա տեղի է ունենում Մոլդովայում, երբ մարդիկ միմյանց դեմ են դուրս գալիս, երբ ներկայում Մոլդավիայում, Մոլդովայում բնակվող քաղաքացիներին միմյանց դեմ են լարում, այնպես էլ սերունդներին են միմյանց դեմ լարում։ Թե ինչպիսի օգնություն կարող է նա տրամադրել, նույնիսկ չեմ կարող պատկերացնել»։ Դրա մասին այսօր՝ դեկտեմբերի 25-ին, հայտարարել է Ռուսաստանի ԱԳՆ պաշտոնական ներկայացուցիչը՝ մեկնաբանելով ԵՄ բարձրաստիճան դիվանագետի հայտարարությունը Հայաստանին ընտրություններում օգնելու մասին։

Ըստ Զախարովայի՝ ռուսական կողմը հետևողականորեն հավատարիմ է մնում ներքին գործերին չմիջամտելու և այլ պետությունների ինքնիշխանությունը հարգելու սկզբունքին։

«Մենք մեր հայ գործընկերների հետ բոլոր բանակցություններում ելնում ենք դրանից, ինչը, ցավոք, չի կարելի ասել որոշ արևմտյան քաղաքական գործիչների մասին։ Այսպես կոչված եվրոպական դիվանագիտության ղեկավար Կայա Կալլասը բացահայտորեն Հայաստանին առաջարկում է Մոլդովայում փորձարկված ընտրությունների կազմակերպման լավագույն եվրոպական պրակտիկան։

Ի՞նչ տեսակի պրակտիկաներ են դրանք։ Հիշեցնեմ, որ ամբողջ աշխարհն ականատես է եղել քաղաքական ճնշման, ահաբեկման, սպառնալիքների, շանտաժի, ընտրություններից առաջ փողի ներդրման՝ տարբեր վարկերի, դրամաշնորհների, տրանշերի և այլնի տեսքով։ Դա իրական ժողովրդավարության հետ որևէ կապ չունի։ Եվ բացի դրանից, վերադառնալով ձեր հարցի պատասխանի սկզբին, այս ամենը նպատակ չուներ համախմբել հասարակությունը, ոչ թե իրականացնել հայ ժողովրդի շահերը, այլ մարդկանց միմյանց դեմ հանել՝ մեկ երկրի քաղաքացիներին, իրենց երկիրը սիրող քաղաքացիներին, ովքեր ցանկանում են ապրել, առաջին հերթին, խաղաղության մեջ իրենց երկրի ներսում և, իհարկե, իրենց հարևանների հետ խաղաղության մեջ։ Դա որևէ կապ չունի իրական ժողովրդավարության հետ։ Դրանք հակաժողովրդավարական մեխանիզմներ են։ Եվ մենք պետք է հաշվի առնենք՝ արդյոք սպառնալիքները բխում են այնտեղից, Կայա Կալլասից, նրա շրջապատից և նրանց ներկայացրած հաստատություններից։ Կարծում եմ՝ պատասխանն ակնհայտ է։ Դրանք այնտեղից են գալիս»,- ասել է Ռուսաստանի ԱԳՆ պաշտոնական ներկայացուցիչը։

Այնուհետև նա հարցրել է. «Ի՞նչ ինչ լավ բան են արել Կայա Կալլասը և Եվրոպական հանձնաժողովը Հայաստանի, հայ ժողովրդի համար»։

«Դուք կարող եք թվարկել դրանք։ Կարող եք պարզապես մի կտոր թուղթ վերցնել և գրել, թե քանի գործարան է կառուցվել, քանի խոշոր զբոսաշրջային տեսարժան վայր է ստեղծվել, քանի հիվանդանոց է կառուցվել, քանի արտակարգ իրավիճակ է հաղթահարվել, քանի մարդածին աղետ է կանխվել։ Պետք է լինի որոշակի վիճակագրություն։ Ի՞նչ հիմքով են նրանք լսում այդ մարդուն՝ Կայա Կալլասին, որը մարդկանց սովորեցնում է չշփվել Ռուսաստանի հետ և հրահրում է նրանց այս, այսպես ասած, ռուսատյատության թեմային։ Ի՞նչ հիմքով։ Ի՞նչ լավ բան է նա արել։ Մենք պետք է հասկանանք։ Եթե նա իսկապես ինչ-որ լավ բան է արել, դա այլ հարց է։ «Բայց գուցե մենք պետք է անմիջապես այս էջում ստեղծենք երկրորդ սյունակ, իսկ այդ երկրորդ սյունակում գրենք, թե ինչ լավ բան է արել Ռուսաստանը, որքան է օգնել, որքան է խնայել, որքան է կառուցել, որքան է ներդրել, ապա համեմատենք։ Սրանք թվեր են. դրանք կօգնեն պատասխանել այս հարցին»,- եզրափակել է ՌԴ ԱԳՆ պաշտոնական ներկայացուցիչը։