Թրամփի բանագնացները Բեռլինում քննարկել են Իրանի հետ հրադադարի վերականգնումը
Համաշխարհային Մամուլ
ԱՄՆ նախագահի բանագնացներ Սթիվ Ուիթքոֆն ու Ջարեդ Քուշները նոյեմբերի 19-ին Բեռլինում հանդիպել են Կատարի վարչապետ Մուհամմեդ բին Աբդուլռահման Ալ Թանիի և նրա բանագնաց Ալի ալ Թավադիի հետ։ Հանդիպման մասին նոյեմբերի 20-ին հայտնել է «Աքսիոսը»՝ վկայակոչելով քննարկմանը ծանոթ երկու աղբյուր։
Դոհան փորձում է Վաշինգտոնի ու Թեհրանի միջև պայմանավորվածություն ձեռք բերել, որը թույլ կտա վերականգնել հրադադարը և վերսկսել Իրանի միջուկային ծրագրի շուրջ բանակցությունները։ Նախորդ շաբաթ Կատարի վարչապետն այդ հարցով Վաշինգտոնում հանդիպել էր Թրամփի և փոխնախագահ Վենսի հետ։
Նույն օրերին Կատարի բանագնացը կապի մեջ է եղել նաև Իրանի արտգործնախարար Աբբաս Արաղչիի հետ, իսկ իրանական տեխնիկական պատվիրակությունն այցելել է Դոհա։ Ըստ «Աքսիոսի» աղբյուրների՝ շփումներն առայժմ էական առաջընթաց չեն տվել։


















































Ամենադիտված
Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը