Իրանի գերագույն առաջնորդը ցուցարարներին մեղադրել է Թրամփին հաճոյանալու փորձի մեջ

Իրանում ցուցարարները գործում են ԱՄՆ նախագահ Դոնալդ Թրամփի կամքին համապատասխան։ Այս մասին ասել է գերագույն առաջնորդ այաթոլլա Ալի Խամենեին, գրում է Anadolu-ն։

Խամենեին հիշեցրել է, որ Իսրայելի և Իրանի միջև 12-օրյա հակամարտության, ինչպես նաև 2025 թվականի հունիսին հանրապետության վրա ԱՄՆ-ի հարվածների հետևանքով՝ զոհվել է ավելի քան 1000 իրանցի՝ «չհաշված ռազմական հրամանատարներին, գիտնականներին և ականավոր գործիչներին»։

«Այս մարդը (Թրամփը՝ խմբ․) պնդում էր, որ պատերազմի ժամանակ հրամաններ է տվել՝ այդպիսով խոստովանելով, որ իր ձեռքերը ներկված են իրանական արյունով, իսկ հետո պնդում է, որ աջակցում է իրանցի ժողովրդին», - ասել է հոգևոր առաջնորդը։

Ըստ այաթոլլայի՝ ցուցարարները՝ «կարճատես մարդիկ», հավատում են Թրամփին և գործում են նրան հաճոյանալու համար՝ այրելով աղբամանները։