Ինչ է սպասվում Իրանին հունվարի 13-ին․ Politico
Իրան
ԱՄՆ նախագահ Դոնալդ Թրամփը հունվարի 13-ին կտեղեկացվի Իրանի դեմ նախապատրաստված գործողությունների տարբերակների մասին: Այս մասին հայտնում է Politico-ն՝ վկայակոչելով Սպիտակ տան երկու ներկայացուցիչների։
«Մենք կարող ենք ուժեղացնել ճնշման արշավը մի քանի եղանակով։ ԱՄՆ նախագահի կողմից միջոցներ ձեռնարկելու պատուհանը մեծ չէ, բայց Իրանում մարդիկ վրդովված են», - բացահայտել է պարբերականի զրուցակիցը։ Հարցված պաշտոնյաներից մեկի խոսքով՝ Թրամփին ներկայացվելիք տարբերակները տատանվում են Իրանի ուղղությամբ կետային հարվածներից մինչև հարձակողական կիբերհարձակումներ, սակայն բացառում են ամերիկյան զորքերի ուղարկումը:
Նա հավելել է, որ ԱՄՆ վարչակազմը կցանկանար խուսափել այնպիսի գործողություններից, որոնք կարող են հետևանքներ ունենալ քաղաքացիական բնակչության համար։ Այդ պատճառով նախապատվությունը տալիս է անմիջապես իրանական զինված ուժերին հարվածելուն: Միևնույն ժամանակ, Սպիտակ տան որոշ ներկայացուցիչներ մտավախություն ունեն, որ Վաշինգտոնի գործողությունները, որոնք ուղղված են Իրանում բողոքին, կարող են հանգեցնել ճիշտ հակառակ արդյունքի:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
