Սենատոր Գրեհեմը Թրամփին առաջարկել է վերացնել Իրանի գերագույն առաջնորդին
Իրան
Հանրապետական սենատոր Լինդսի Գրեհեմը, Fox News-ի եթերում ելույթ ունենալով, առաջարկել է, որ ԱՄՆ նախագահ Դոնալդ Թրամփը սպանի Իրանի գերագույն առաջնորդ Ալի Խամենեիին՝ երկրում շարունակվող բողոքի ցույցերի ֆոնին։
Գրեհեմը գովաբանել է Թրամփին «Իրանի ժողովրդի կողքին կանգնելու» համար՝ այաթոլլա Խամենեիին անվանելով «սարսափելի մարդ»։ Նա ասել է, որ «ժամանակն է, որ Իրանի առաջնորդը հեռանա», և դա այն է, ինչ ժողովուրդն է ուզում։
«Դոնալդ Թրամփն ասում է, որ Իրանը կրկին մեծ դարձնելու լավագույն միջոցը ցուցարարների հաղթանակն է և ռեժիմի տապալումը։ Ինչպե՞ս ենք մենք դրան հասնելու։ Ինչ գործողություն էլ որ ձեռնարկենք, պարոն նախագահ, պետք է ոգեշնչի ցուցարարներին և վախեցնի ռեժիմին», - ասել է Գրեհեմը։
Նա հայտարարել է, որ եթե ինքը Թրամփը լիներ, կսպաներ այն առաջնորդներին, ովքեր խոսում են իրենց սեփական ժողովրդի դեմ։ Սենատորը կոչ է արել Թրամփին «վերջ դնել դրան»։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
