Կոնգրեսը մտադիր է վարույթ սկսել ԱՄՆ նախկին նախագահի նկատմամբ
ԱՄՆ
ԱՄՆ Ներկայացուցիչների պալատի վերահսկողական հանձնաժողովի նախագահ Ջեյմս Քոմերը հայտարարել է, որ մտադիր է վարույթ սկսել ՝ նախկին նախագահ Բիլ Քլինթոնին Կոնգրեսի նկատմամբ անհարգալից վերաբերմունքի մեղադրանքով՝ հանգուցյալ ֆինանսիստ Ջեֆրի Էպշտեյնի գործով շարունակվող հետաքննության շրջանակներում ցուցմունք տալուց հրաժարվելու համար, գրում է The Guardian-ը։
Լրագրողների հետ զրույցում հանրապետական կոնգրեսականը հայտարարել է, որ հաջորդ շաբաթ փաստաթղթերի վերանայման ժամանակ հանձնաժողովը կսկսի համապատասխան վարույթը։
Ավելի վաղ Բիլ և Հիլարի Քլինթոնների իրավական ներկայացուցիչները Քոմերին ութ էջանոց նամակ էին ուղարկել՝ տեղեկացնելով, որ իրենք մտադիր չեն կատարել ծանուցագրերի պահանջը, որոնք պարտավորեցնում են ներկայանալ հանձնաժողովին՝ անձամբ ցուցմունք տալու համար։
«Որքան ես գիտեմ, նախկին նախագահ Քլինթոնը երբեք չի պատասխանել Էպշտեյնի վերաբերյալ հարցերին, իսկ մենք պարզապես հարցեր ունենք,- այսօր հայտարարել է Քոմերը։ -Ըստ իս՝ ամեն ոք կհամաձայնի, որ նրանք շատ ժամանակ են անցկացրել միասին՝ թե՛ Բիլ Քլինթոնի նախագահության տարիներին, թե՛ դրա ավարտից հետո»։
Կախված Կոնգրեսի նկատմամբ անհարգալից վերաբերմունքի մեղադրանքի տեսակից՝ չի բացառվում, որ դաշնային դատարաը Քլինթոնին պարտավորեցնի կատարել դատական կանչը կամ նույնիսկ բախվել ԱՄՆ Արդարադատության նախարարության քրեական հետապնդմանը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
