ԱՄՆ-ն իր դաշնակիցներից հետախուզական տեղեկատվություն է խնդրել Իրանում հնարավոր թիրախների վերաբերյալ

ԱՄՆ-ն իր եվրոպացի դաշնակիցներից հետախուզական տվյալներ է խնդրել Իրանին հարվածելու դեպքում հնարավոր թիրախների վերաբերյալ, հաղորդում է Washington Post-ն՝ հղում անելով աղբյուրներին։

«Մենք որևէ ցուցում չունենք, որ Թրամփը թիրախավորելու է միջուկային օբյեկտները։ Ավելի հավանական է, որ նա հետապնդի ցուցարարների սպանությունների համար պատասխանատու և դրանցում ներգրավված կազմակերպությունների և ուժերի ղեկավարությանը», - հրատարակությանը հայտնել է աղբյուրը։

Հունվարի 11-ին CNN-ը հաղորդել է, որ ԱՄՆ նախագահ Դոնալդ Թրամփը քննարկում է Իրանի դեմ ռազմական տարբերակները՝ երկրում տեղի ունեցող զանգվածային բողոքի ցույցերի ֆոնին։ Ըստ լրատվամիջոցի՝ վերջին օրերին Սպիտակ տան բնակիչը տեղեկացվել է տարբեր միջամտության ծրագրերի մասին՝ հնարավոր հարվածներից մինչև ոչ ռազմական տարբերակներ։