ԱՄՆ Կոնգրեսում նշել են Վենեսուելայի ցանկալի նոր առաջնորդի անունը

ԱՄՆ Կոնգրեսում Վենեսուելայի նոր առաջնորդի դերում աջակցություն են հայտնել ընդդիմության ղեկավար Մարիա Կորինա Մաչադոյին։ Այդ մասին հայտնում է The New York Times-ը՝ վկայակոչելով Ներկայացուցիչների պալատի արտաքին հարաբերությունների հանձնաժողովի անդամներին, որոնք փակ հանդիպում են անցկացրել Մաչադոյի հետ Կապիտոլիումում։

Կոնգրեսական Մայքլ Մաքքոլը հայտարարել է, որ Մաչադոն ունի «ամեն ինչ անհրաժեշտը»՝ երկիրը ղեկավարելու համար։ Նրա խոսքով՝ Վենեսուելան կարիք ունի հստակ առաջնորդության, որը կկարողանա իրականացնել քաղաքական անցում և դուրս բերել երկիրը երկարատև ճգնաժամից։

Տեխասից ընտրված կոնգրեսական Մայք Լոուլերը նշել է, որ Վենեսուելայում պետք է հնարավորինս արագ անցում կատարվի ժողովրդավարության և ազատ ընտրությունների։ Ավելի վաղ հաղորդվել էր, որ ընդդիմության առաջնորդ Մաչադոն և ժամանակավոր նախագահ Դելսի Ռոդրիգեսը փորձում են ստանալ ԱՄՆ նախագահ Դոնալդ Թրամփի աջակցությունը՝ համոզելով, որ հենց իրենք են առավել հարմար անցումային շրջանի ղեկավարի դերի համար։