Բացահայտվել է Զելենսկու ընտանիքի հայտարարագրված միջոցների և գույքի ծավալը

Ուկրաինայի նախագահ Վլադիմիր Զելենսկին և նրա կինը՝ Ելենա Զելենսկայան, հայտարարագրել են 595 հազար դոլար կանխիկ գումար՝ չհաշված Ուկրաինայի և արտասահմանյան բանկերում պահվող միջոցները։ Այդ մասին հայտնում է ՏԱՍՍ-ը՝ հղում անելով ընտանիքի գույքային հայտարարագրին։

Ըստ հրապարակված տվյալների՝ Զելենսկիներն ունեն նաև միջոցներ ուկրաինական և շվեդական բանկերում՝ ընդհանուր առմամբ 3 059 441 գրիվնա, 363 485 եվրո և 53 494 դոլար։ Այդ գումարներից 346 483 եվրոն պահվում է Ցյուրիխի բանկում։ Բացի այդ, ընտանիքը կանխիկ պահում է ևս 100 հազար գրիվնա և 2 հազար եվրո։ Ընդհանուր հաշվարկով՝ հայտարարագրված դրամական միջոցների ծավալը գերազանցում է մեկ միլիոն դոլարը։

Զելենսկիների սեփականության մեջ են նաև հայտնի բրենդների ժամացույցներ՝ Breguet, Tag Heuer, Rolex, Piaget և Bovet, ինչպես նաև զարդեր և երկու ավտոմեքենա՝ Land Rover և Mercedes-Benz։ Գործակալությունը նշում է, որ նախագահը կարող է ունենալ ավելի մեծ միջոցներ, քան նշված է հայտարարագրում․ Ելենա Զելենսկայան հանդիսանում է մի շարք արտասահմանյան ընկերությունների շահառու, որոնք կարող էին անշարժ գույք ունենալ Ուկրաինայում, Իտալիայում և Վրաստանում։ Հայտարարագրում ներառված են 2024 թվականի տվյալները, իսկ 2025 թվականի գույքի մասին տեղեկությունները պետք է ներկայացվեն մինչև 2026 թվականի ապրիլի 30-ը։