Մակրոնը հեռացել է Դավոսից՝ առանց Թրամփի հետ հանդիպման

Ֆրանսիայի նախագահ Էմանուել Մակրոնը լքել է Դավոսի Համաշխարհային տնտեսական ֆորումը՝ այդպես էլ չհամաձայնեցնելով անձնական հանդիպում ԱՄՆ նախագահ Դոնալդ Թրամփի հետ։ Այդ մասին գրում է Politico-ն՝ նշելով, որ բանակցությունները կազմակերպելու փորձերը արդյունք չեն տվել։

Ըստ հրապարակման՝ Մակրոնը երեքշաբթի օրը հեռացել է Դավոսից՝ չհասնելով Թրամփի հետ հանդիպման, չնայած նրան, որ շաբաթվա վերջին Փարիզ այցելելու հրավեր էր ուղարկել ԱՄՆ նախագահին։ Հրավերի մասին Թրամփը ավելի վաղ տեղեկացրել էր նաև սոցիալական ցանցերում։

Միևնույն ժամանակ Politico-ն նշում է, որ Գերմանիայի կանցլեր Ֆրիդրիխ Մերցը դեռ հույս ունի հունվարի 21-ին ֆորումի շրջանակում բանակցություններ անցկացնել Թրամփի հետ։ Ավելի վաղ հաղորդվել էր, որ ԱՄՆ նախագահը ստիպված էր վերադարձել Վաշինգտոն՝ ինքնաթիռի տեխնիկական խնդրի պատճառով, սակայն հետագայում կրկին մեկնել է Դավոս՝ արդեն պահուստային օդանավով։