Հրկիզել են Կրիշտիանու Ռոնալդուի արձանը

Սաուդյան Արաբիայի «Ալ-Նասր» ակումբի պորտուգալացի հարձակվող Կրիշտիանու Ռոնալդուի հայրենի Ֆունշալ քաղաքում անհայտ անձը հրկիզել է ֆուտբոլիստի բրոնզե արձանը, հաղորդում է Metro-ն։

Վանդալը նկարահանել է արձանի վնասումը և ավելի ուշ այն տեղադրել սոցիալական ցանցերում։ Կադրում երևում է, թե ինչպես է մի երիտասարդ հուշարձանի վրա լցնում դյուրավառ հեղուկ, այրում այն, ապա պարում կրակի առջև՝ տեսանյութին կից գրելով. «Սա Աստծո վերջին նախազգուշացումն է»։ Պորտուգալիայի ոստիկանությունը ձերբակալել է կասկածյալին։

2014 թվականին տեղադրված արձանը նախկինում թիրախ է դարձել 2016 թվականին, երբ Լիոնել Մեսսիի երկրպագուները դրա վրա կարմիր ներկով գրել էին «Մեսսի 10»։