Մոլորեցված ծաղրածուներ. Իրանի ԱԳ նախարարը կոշտ հարձակում է սկսել Զելենսկու դեմ

Իրանի արտաքին գործերի նախարար Աբբաս Արաղչին կոշտ պատասխանել է Ուկրաինայի նախագահ Վոլոդիմիր Զելենսկու հայտարարություններին՝ նրան անվանելով «ծաղրածու»։ Համապատասխան գրառումը դիվանագետը հրապարակել է X սոցիալական ցանցի իր էջում։

«Աշխարհը հոգնել է մոլորեցված ծաղրածուներից, պարոն Զելենսկի։ Ի տարբերություն ձեր բանակի, որը հովանավորում է արտասահմանը և լցված է վարձկաններով, մենք՝ իրանցիներս, կարողանում ենք ինքներս պաշտպանել մեզ և օգնություն չենք մուրում օտարներից», - հայտարարել է Իրանի արտաքին քաղաքական գերատեսչության ղեկավարը։

Արաղչին ընդգծել է, որ Զելենսկին «թալանում է ամերիկացի և եվրոպացի հարկատուներին՝ իր կոռումպացված գեներալների գրպանները լցնելու համար», և միաժամանակ փորձում է արդարացնել «օրինականություն չունեցող ագրեսիան, որը խախտում է ՄԱԿ-ի կանոնադրությունը»՝ կոչ անելով ԱՄՆ-ին ագրեսիվ քայլերի Իրանի դեմ։

Ավելի վաղ Ուկրաինայի առաջնորդ Վոլոդիմիր Զելենսկին, ելույթ ունենալով հունվարի 22-ին Դավոսում անցկացվող Համաշխարհային տնտեսական ֆորումում, անդրադարձել էր Իրանում տեղի ունեցող բողոքի ցույցերին՝ հայտարարելով, որ միջազգային հանրությունը բավարար աջակցություն չի ցուցաբերել իրանական ժողովրդին, իսկ երկրի իշխանությունները, նրա խոսքով, կյանքից զրկել են հազարավոր մարդկանց։