Ռուսաստանը 2 ինքնաթիռ է ուղարկել` Սիրիայի իր քաղաքացիներին բերելու նպատակով

ՌԴ ԱԻՆ-ը երկու ինքնաթիռ է ուղարկել մարտերի կիզակետ` Սիրիա, այդ երկրի տարածքը լքել ցանկացող իր քաղաքացիներին փրկելու համար, գրում է РБК-ն:

Ինչպես հայտնել են Ռուսաստանի ԱԻՆ-ից, հունվարի 22-ին Як-42 և Ил-76 ինքնաթիռները ժամանել են Լիբանանի մայրաքաղաք Բեյրութ: Այդ ինքնաթիռներով ռուսաստանցիները կտեղափոխվեն Մոսկվա:

Նախնական տվյալներով Ռուսաստան կվերդառնան ավելի քան 100 ռուսաստանցի, որոնց մեծ մասը` կանայք և երեխաներ:

Գործակալությունը նշում է, որ Սիրիայում ռուսների քանակը հաշվելը բավականին պրոբլեմատիկ է: Հյուպատոսական հաշվառման կանգնած է ընդամենը 5 հազար մարդ, սակայն ամենատարբեր տվյալներով` այնտեղ ընտանիք կազմած և բնակվող ռուսների թիվը կարող է հսնել 100 հազարի, այդ թվում`երկքաղաքացիություն ունեցող անձինք: