Ում դեմ է ուղղված Ադրբեջանի ռազմատեխնիկական հզորացումը

Ադրբեջանի համար գլխավոր խնդիր մնում է Լեռնային Ղարաբաղի հիմնահարցը: Այս մասին Regnum գործակալությանը հայտնել է ռուսական ռազմական փորձագետ Վլադիսլավ Շուրիգինը`մեկնաբանելով Իսրայելի պաշտպանության նախարար Ուդի Շահինի բառերը, որտեղ նշվել էր` 2013 թվականին կաճի զենքի վաճառքի չափերը օտար պետություններում, այդ թվում նաև Ադրբեջանում: 

Շուրիգինի կարծիքով Ադրբեջանի` յուրաքանչյուր ռազմատեխնիկական հարստացում առաջին հերթին ուղղված է Հայաստանի դեմ: Ճիշտ է, գոյություն ունի նաև Իրանը, սակայն Ադրբեջանը չի համարձակվի առանձին պատերազմով հանդես գալ Իրանի դեմ, այն կարող է միայն հակաիրանական արշավի մի մաս կազմել: 

Սակայն ռազմական փորձագետ, ռազմական կանխատեսման կենտրոնի ղեկավար Անատոլի Ցիագանոկը նշել է, որ ռազմատեխնիկական հարստացումը առաջին հերթին ուղղված է Իրանի դեմ: «Ես բազմիցս նշել եմ, որ Լեռնային Ղարաբաղի խաղաղ կարգավորումից բացի ուրիշ ալտերնատիվ գոյություն չունի: Այն պետությունը, որ պատերազմ կսկսի Ղարաբաղի դեմ, պարտություն կկրի թե քաղաքական, թե տնտեսական դաշտում: Չնայած Ադրբեջանի կողմից հնչող`  Ղարաբաղի դեմ պատերազմ սկսելու ագրեսիվ կոչերին` Ադրբեջանը հասկանում է, որ վտանգավոր է պատերազմ սկսել տարածաշրջանում Իրանի հետ կապված լարված պայմաններում»,-նշել է փորձագետը: