«Դժոխքի դարպասները» կբացվեն ԿՍԻՀ-ը սպառնում է ԱՄՆ-ին և Իսրայելին

Իրանը մտադիր է շարունակել հարվածները ԱՄՆ-ի և Իսրայելի թիրախներին՝ հայտարարելով, որ նրանց համար «դժոխքի դարպասները» կբացվեն։ Այս մասին Mizan գործակալությանը տված հարցազրույցում հայտարարել է Իսլամական հեղափոխության պահապանների կորպուսի պաշտոնական ներկայացուցիչ, գեներալ Ալի Մոհամմադ Նաինին, փոխանցում է РИА Новости-ն։

«Թշնամին պետք է սպասի նպատակային հարձակումների շարունակությանը։ Դժոխքի դարպասները ԱՄՆ-ի և Իսրայելի համար ամեն րոպե ավելի ու ավելի են բացվելու», — հայտարարել է նա՝ ընդգծելով Թեհրանի վճռականությունը։

Ավելի վաղ Իրանի ԱԳՆ պաշտոնական ներկայացուցիչ Իսմայիլ Բաղային նշել էր, որ Մերձավոր Արևելքում պատերազմը հնարավոր է դադարեցնել «ագրեսորի» գործողությունները կասեցնելու միջոցով։ Նրա խոսքով՝ միջազգային հանրությունը պետք է քայլեր ձեռնարկի, որպեսզի հակամարտությունը չտարածվի տարածաշրջանի այլ երկրներ և ստիպի ԱՄՆ-ին ու Իսրայելին դադարեցնել ռազմական գործողությունները։