Իրանի միջուկային օբյեկտը հարձակման է ենթարկվել

Ամերիկյան CNN հեռուստաալիքի փոխանցմամբ՝ Իրանի Նաթանզի միջուկային օբյեկտի շենքերը վնասվել են ԱՄՆ-Իսրայելական հարձակումներից հետո։

«Վերջին 48 ժամվա ընթացքում Vantor-ի կողմից արված արբանյակային լուսանկարները ցույց են տալիս Նաթանզի միջուկային օբյեկտին հասցված վնասը։ CNN-ի կողմից լուսանկարների վերլուծության համաձայն՝ վնասվել է մեծ պահեստ և երկու փոքր երկհարկանի շենք», - հաղորդում է հեռուստաալիքը։

Նաև նշվում է, որ ավերված կառույցները, հնարավոր է, ծառայել են որպես աշխատողների և տրանսպորտային միջոցների մուտքի կետեր դեպի օբյեկտի ստորգետնյա կառույցներ։