Ուկրաինայում ազատ է արձակվել Օմար Ուֆիմսկին, ով պետք է փոխարինի Դեդ Հասանին
Ռուսաստան
Օդեսայում ազատ է արձակվել և Ռուսաստան արտահանձնվել քրեական հեղինակություն Օմար Բեկաևը, ով ավելի հայտնի է Օմար Ուֆիմսկի կամ Дядя մականունով. վերջինս կփոխարինի հունվարի 16-ին սպանված «օրենքով գող» Դեդ Հասանին: Տեղեկացնում է segodnya-ն:
Հիշեցնենք, որ Օմար Ուֆինսկին ձերբակալվել էր 2009 թվականի դեկտեմբերի 7-ին: Նրա մոտ հայտնաբերել էին անձնագիր Ալմա Աթայի բնակիչ Երկաշ Տոպաևի անունով և ավստրո-հունգարական արտադրության Steyr Mod 1909 ատրճանակ: Սակայն մի քանի օր անց նրան ազատ էին արձակել հենց դատարանի դահլիճից «առողջական վատ վիճակի» պատճառով, որից հետո նրան կրկին ձերբակալել էին և դատապարտել 4 տարի ազատազրկման՝ զենքի անօրինական պահպանման մեղադրանքով:
2011-ին նա պետք է տեղափոխվեր Ռուսաստան, սակայն արտահանձնումը կասեցվեց: Ուֆինսկին պարզել էր, որ իր նկատմամբ մահափորձ է պատրաստվել Ասլան Դիկաևի կողմից, որին իր «գործը» կատարելու համար փոխանցել էին 1 միլիոն դոլար:
Հիշեցնենք, որ Օմար Ուֆինսկին ՌԴ-ում Դեդ Հասանից հետո ամենահայտնի քրեական հեղինակություններից մեկն է: Նրան հաջորդում են մի շարք երիտասարդ «օրենքով գողեր», և ակնկալվում է, որ Ուֆիմսկու արտահանձնումից հետո նոր պատերազմ կսկսվի «օրենքով գողերի» միջև:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
