Եվրոպական խորհրդի ղեկավարը խոսել է Ռուսաստանի դեմ պատժամիջոցների մեղմացման մասին

Հիմա ժամանակը չէ, որ ԵՄ-ն մեղմացնի Ռուսաստանի դեմ պատժամիջոցները, սոցիալական ցանցերում գրել է Եվրոպական խորհրդի նախագահ Անտոնիո Կոստան։

«Առաջին առաջնահերթությունը էներգիայի անխափան հոսքի պահպանումն է, մասնավորապես՝ Հորմուզի նեղուցով նավագնացությունը, որը կարևոր է համաշխարհային տնտեսության համար։ Նավթի գնի առաստաղ սահմանելը կօգնի կայունացնել շուկաները և սահմանափակել Ռուսաստանի եկամուտները։ Հիմա ժամանակը չէ մեղմացնել Ռուսաստանի դեմ պատժամիջոցները», - գրել է Կոստան։

Նա նաև նշել է, որ ինքը և Եվրոպական հանձնաժողովի նախագահ Ուրսուլա ֆոն դեր Լեյենը ողջունել են Միջազգային էներգետիկ գործակալության որոշումը իր պատմության մեջ ռազմավարական պաշարներից նավթի ամենամեծ ծավալը թողարկելու վերաբերյալ։