Ինձ համար մեծ պատիվ է սպանել իրանցի պաշտոնյաներին․ Թրամփ

ԱՄՆ նախագահ Դոնալդ Թրամփն իր TruthSocial սոցիալական ցանցի էջում հայտարարել է, որ իր համար, որպես նախագահ, «մեծագույն պատիվ» է «Իրանի ահաբեկչական ռեժիմի» անդամների սպանությունը։

Երկրի առաջնորդի խոսքով՝ ամերիկյան զինվորականները ներկայումս «ամբողջությամբ ոչնչացնում են Իրանի ահաբեկչական ռեժիմը», և սխալ է մտածել, որ ԱՄՆ-ն չի հաղթում։

Նա նշել է, որ ԱՄՆ-ն ոչնչացնում է Իսլամական Հանրապետության նավատորմը, ռազմաօդային ուժերը, հրթիռները, անօդաչու թռչող սարքերը և նույնիսկ իրանցի առաջնորդներին։

«Տեսեք ինչ է լինելու այսօր այս խելագար սրիկաների հետ։ Նրանք 47 տարի շարունակ սպանել են անմեղ մարդկանց ամբողջ աշխարհում, և հիմա ես, որպես Ամերիկայի Միացյալ Նահանգների 47-րդ նախագահ, սպանում եմ նրանց։ Ի՜նչ մեծ պատիվ է», - գրել է Թրամփը։