Փորձագետը կանխատեսում է ԱՄՆ–Իրան հակամարտության մոտալուտ ավարտը

ԱՄՆ-ի ռազմական գործողությունը Իրանում կարող է ավարտվել առաջիկա 3–4 շաբաթվա ընթացքում։ Այս կանխատեսումն է ներկայացրել քաղաքագետ-ամերիկագետ Մալեկ Դուդակովը՝ «Լենտա.ռու»-ին տված մեկնաբանությունում։

Նրա խոսքով՝ ամերիկյան օրենսդրությունը թույլ է տալիս նախագահ Դոնալդ Թրամփի վարչակազմին ռազմական գործողություններ իրականացնել առանց Կոնգրեսի հաստատման առավելագույնը մոտ 45 օր։ Միևնույն ժամանակ, ըստ փորձագետի, Սպիտակ տան համար իրավիճակը բարդացնում են մի շարք գործոններ՝ ԱՄՆ-ում վառելիքային ճգնաժամի վտանգը, նախագահի վարկանիշի անկումը, ընտրողների շրջանում պատերազմի աճող ոչ ժողովրդականությունը և Պենտագոնի ռազմական պաշարների աստիճանական սպառումը։

Դուդակովի գնահատմամբ՝ այս պայմաններում Թրամփը ստիպված կլինի հնարավորինս շուտ դուրս գալ հակամարտությունից, թեև դա քաղաքականորեն բարդ է, քանի որ կարող է ընկալվել որպես պարտության ընդունում։ Նա նաև նշել է, որ ԱՄՆ քաղաքական շրջանակներում նկատվում է տարաձայնություն, իսկ G7 երկրների առաջնորդները արդեն կոչ են արել Վաշինգտոնին արագ ավարտել պատերազմը և ապահովել Օրմուզի նեղուցի անվտանգությունը։