Թրամփը վստահ է, որ ԱՄՆ-ը հեշտությամբ կկնքի համաձայնագիր Կուբայի հետ

ԱՄՆ նախագահ Դոնալդ Թրամփը հայտարարել է, որ Վաշինգտոնը կարող է հեշտությամբ համաձայնության հասնել Կուբայի կառավարության հետ։ Այդ մասին հայտնում է Reuters-ը՝ հղում անելով Սպիտակ տան ներկայացուցչին։

Պաշտոնյայի խոսքով՝ ԱՄՆ-ը արդեն բանակցություններ է վարում Կուբայի հետ, և Թրամփը կարծում է, որ երկրի ղեկավարությունը պետք է գնա գործարքի, որը հնարավոր է արագ իրականացնել։

Ավելի վաղ Ռուսաստանի նախագահ Վլադիմիր Պուտինը հայտարարել էր, որ Մոսկվան անընդունելի է համարում Կուբայի նկատմամբ նոր պատժամիջոցները։ Նրա խոսքով՝ Ռուսաստանն ու Կուբան ունեն պատմականորեն ձևավորված հատուկ հարաբերություններ։

Միևնույն ժամանակ Bloomberg-ը գրել էր, որ ԱՄՆ վարչակազմը դիտարկում է Կուբայում իշխանափոխության տարբերակներ՝ հնարավոր սցենարները համեմատելով այն մեթոդների հետ, որոնք Վաշինգտոնը նախկինում կիրառել էր Վենեսուելայի նկատմամբ։