Թրամփը հայտարարել է, որ ԱՄՆ-ն կարող է ՆԱՏՕ-ից դուրս գալ` առանց Կոնգրեսի համաձայնության
ԱՄՆ
ԱՄՆ նախագահ Դոնալդ Թրամփը համոզված է, որ կարող էր որոշել Վաշինգտոնի դուրս գալը ՆԱՏՕ-ից առանց ԱՄՆ Կոնգրեսի մասնակցության։
«Ես այդ որոշման համար Կոնգրեսի մասնակցությունը չեմ պահանջում։ Ինչպես հավանաբար գիտեք, ես կարող եմ այդ որոշումը կայացնել ինքնուրույն։ Իհարկե, աշխատելու եմ շատ խելացի մարդկանց հետ և միշտ հաշվի կառնեմ Կոնգրեսի կարծիքը, բայց դրա համար նրանց մասնակցությունը պարտադիր չէ», – լրագրողներին ասել է Թրամփը՝ երբ նրան հարցրել են, արդյոք ներկայում վերանայում է ՆԱՏՕ-ի հետ հարաբերությունները՝ Հորմուզի նեղուցում ԱՄՆ-ի հնարավոր ռազմական գործողությանը եվրոպացի դաշնակիցների մասնակցության հրաժարման ֆոնին, և արդյոք ԱՄՆ-ը կարող է դուրս գալ դաշինքից։
Նախագահը նշել է, որ ներկայում չի բարձրացնում ՆԱՏՕ-ից դուրս գալու հարցը. «Եթե դուք ասում եք՝ վերանայել հարաբերությունները, ես չեմ անում։ Ներկայում նման մտադրություն չունեմ, բայց ասեմ, որ ես հատկապես ոգևորված չեմ այն ժամանակ, երբ մենք օգնել ենք նրանց Ուկրաինայում», – ասել է նա։ Այս մասին գրում է TASS-ը:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
