Զելենսկին նախատեսել էր Թրամփին հատուկ iPad նվիրել, բայց այն փոխանցվեց Բրիտանիայի թագավորին

Ուկրաինայի նախագահ Վլադիմիր Զելենսկին ցանկացել էր Մյունխենի անվտանգության համաժողովի ընթացքում ԱՄՆ նախագահ Դոնալդ Թրամփին նվիրել հատուկ iPad, որը հնարավորություն է տալիս իրական ժամանակում հետևել Ուկրաինայում ընթացող ռազմական գործողություններին։ Սակայն, ինչպես հայտնել է Financial Times-ի լրագրող Քրիստոֆեր Միլլերը, Թրամփը չի մասնակցել միջոցառմանը, ինչի պատճառով նվերը չի հանձնվել։

Զելենսկու խոսքով՝ սարքը թույլ է տալիս անմիջապես տեսնել ընթացիկ հարձակումները՝ ներառյալ անօդաչու թռչող սարքերի և հրթիռների տեղաշարժը։ «Ես ուզում էի այն նվիրել Թրամփին, որովհետև այդ iPad-ով կարելի է տեսնել՝ ինչ է կատարվում հենց հիմա՝ օդում և ռազմաճակատում»,— նշել է Ուկրաինայի նախագահը։

Ավելի ուշ Զելենսկին այդ սարքը նվիրել է Մեծ Բրիտանիայի թագավոր Չարլզ III-ին։ Ուկրաինայի նախագահը մարտի 17-ին ժամանել է Լոնդոն և Բուքինգհեմյան պալատում հանդիպել թագավորին։