ԱՄՆ-ն հարվածել է Իրանին 2.3 տոննանոց հակաբունկերային ռումբերով

ԱՄՆ ռազմաօդային ուժերը կիրառել են շուրջ 5000 ֆունտ (մոտ 2300 կգ) կշռով հզոր ավիացիոն ռումբեր՝ Իրանի հրթիռային օբյեկտների դեմ։ ԱՄՆ ԶՈւ Կենտրոնական հրամանատարությունը հայտնել է, որ հարվածները հասցվել են Օրմուզի նեղուցի մերձակայքում գտնվող թիրախներին՝ օգտագործելով մի քանի նմանատիպ ծանր ռումբեր։

Ռազմական փորձագետների գնահատմամբ՝ կիրառված զինատեսակը կարող է լինել GBU-72 Advanced 5K Penetrator հակաբունկերային ռումբը, որը նախատեսված է խորը ամրացված օբյեկտների ոչնչացման համար։ Այն համալրված է իներտիոն և GPS ուղղորդման համակարգերով և զգալիորեն գերազանցում է նախորդ GBU-28 մոդելը իր խոցման ուժով։ Այս ռումբերը կարող են կիրառվել B-1B ռազմավարական ռմբակոծիչների և F-15E հարվածային ինքնաթիռների կողմից։

Միաժամանակ նշվում է, որ ԱՄՆ-ը շարունակում է զարգացնել ավելի հզոր հակաբունկերային զինատեսակներ։ Ավելի վաղ հաղորդվել էր, որ մշակվում է GBU-57 ռումբի նոր սերնդի փոխարինող, որի քաշը կհասնի մոտ 10 տոննայի՝ զբաղեցնելով միջանկյալ դիրք GBU-72-ի և ներկայիս ամենահզոր ռումբերի միջև։ Աղբյուր՝ ImpNavigator, ԱՄՆ ԶՈւ Կենտրոնական հրամանատարություն, TWZ։