Հրդեհ Մոսկվայի նորակառույց շենքում. կա 9 զոհ

Մոսկվայի հարավ-արևմուտքում գտնվող  նորակառույց շինություններից մեկում հրդեհ է բռնկվել: Հաստատված տեղեկություններով զոհվել է 9 և հոսպիտալացվել 6 մարդ: Այս մասին հայտնում են Ռուսաստանի ԱԻՆ մայրաքաղաքային վարչությունից, մեջբերում է РБК-ն:

Ավելի վաղ հայտնի էր դարձել 6 զոհի և 5 տուժածների մասին: Միջադեպը տեղի է ունեցել հունվարի 26-ին՝ ժամը 13:08-ին, Խերսոնի փողոցի N 43 նորակառույց շենքում: Վիրավորների առողջական վիճակի մասին դեռևս տեղեկություններ չկան: Պատահարի մանրամասները ճշտվում են: