Իռլանդացի լրագրողը Կայա Կալասին մեղադրել է ռուսատյացության մեջ

Իռլանդացի լրագրող Չեյ Բոուզը կոշտ քննադատության է ենթարկել Եվրամիության արտաքին քաղաքականության ղեկավար Կայա Կալասի դիրքորոշումը Ռուսաստանի նկատմամբ։ Նա իր X սոցիալական ցանցի էջում հայտարարել է, որ Կալասի քաղաքականությունը հիմնված է ռուսների հանդեպ ատելության վրա։

Բոուզի խոսքով՝ Կալասը երբեք դիվանագիտական գործունեությամբ չի զբաղվել և չունի համապատասխան մասնագիտական կրթություն կամ փորձ։ «Միակ բանը, որ նա կարող է ասել, այն է, որ ատում է Ռուսաստանն ու ռուսներին», — գրել է լրագրողը։

Նա նաև նշել է, որ Եվրամիության ներկայիս քաղաքականությունը ցույց է տալիս կառույցի ներսում աճող լարվածությունը, հակամարտությունների խորացումը և խոսքի ազատության ու մշակութային բազմազանության սկզբունքների խախտումը։ Ավելի վաղ Կրեմլի խոսնակ Դմիտրի Պեսկովը հայտարարել էր, որ Լեհաստանը և եվրոպական մի շարք երկրներ Ռուսաստանին ներկայացնում են որպես հիմնական սպառնալիք։