Ծեծկռտուք «Ռեալի» հանդերձարանում. Վալվերդեն տեղափոխվել է հիվանդանոց
Սպորտ
Մադրիդի «Ռեալի» ճամբարում լարված իրավիճակ է։ Թիմի ֆուտբոլիստներ Օրելիեն Չուամենիի և Ֆեդերիկո Վալվերդեի միջև կոնֆլիկտը վերածվել է ծեծկռտուքի, որի հետևանքով ուրուգվայցի կիսապաշտպանը հայտնվել է հիվանդանոցում։
Ինչպես հաղորդում է Marca-ն, սա խաղացողների միջև վերջին օրերի ընթացքում ծագած արդեն երկրորդ միջադեպն է։ Ըստ Carrusel Deportivo-ի աղբյուրների՝ հանդերձարանում տեղի ունեցած քաշքշուկի ժամանակ Վալվերդեն վայր է ընկել և գլխով ուժգին հարվածել սեղանին ու վնասվածք ստացել: Ֆուտբոլիստին անմիջապես տեղափոխել են հիվանդանոց։
Հայտնի է, որ միջադեպից հետո «Ռեալը» կարգապահական վարույթ է սկսել։ Ակնկալվում է, որ մեղավոր ֆուտբոլիստները խստագույնս կպատժվեն ակումբի ղեկավարության կողմից։
Թիմի ներսում այս լարվածությունն առաջացել է Իսպանիայի առաջնության վճռորոշ հանդիպումից առաջ։ Մայիսի 10-ին, մադրիդյան ակումբն արտագնա խաղում ուժերը կչափի «Բարսելոնայի» հետ։
Հանդիպումն ունի սկզբունքային նշանակություն, եթե «Ռեալն» այս խաղում միավորներ կորցնի, ապա կատալոնական ակումբը ժամկետից շուտ կապահովի Լա լիգայի չեմպիոնի տիտղոսը։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
