ԱՄՆ-ը կտրուկ ավելացրել է Ռուսաստանից սուրճի գնումները

2026 թվականի առաջին եռամսյակի արդյունքներով Ռուսաստանից ԱՄՆ արտահանվող լուծվող սուրճի ծավալը դրամական արտահայտությամբ աճել է 3,5 անգամ՝ հասնելով 641,9 հազար դոլարի։ Այս մասին հայտնում է РИА Новости-ն՝ հղում անելով ամերիկյան վիճակագրական ծառայության տվյալներին։ Չնայած ընդհանուր աճին՝ միայն մարտ ամսին մատակարարումները նվազել են գրեթե 25 տոկոսով և կազմել 191,4 հազար դոլար։

Միևնույն ժամանակ, սուրճին փոխարինող համարվող ցիկորիի արտահանումը հակառակ պատկերն է ցույց տվել։ Առաջին եռամսյակում դրա մատակարարումները ԱՄՆ նվազել են 15 տոկոսով՝ հասնելով 13,8 հազար դոլարի։ Սակայն մարտին արձանագրվել է աճ՝ ամսական կտրվածքով 41 տոկոս և տարեկան հաշվարկով 20 տոկոս՝ մինչև 3,4 հազար դոլար։

ԱՄՆ շուկայում լուծվող սուրճի գլխավոր մատակարարներն այժմ մնում են Մեքսիկան, Կոլումբիան և Բրազիլիան, իսկ ցիկորիի հիմնական արտահանողներն են Ֆրանսիան, Հնդկաստանը և Լեհաստանը։ Ավելի վաղ հաղորդվել էր նաև, որ Ռուսաստանում 2026 թվականի հունվար-փետրվար ամիսներին «to go» սուրճի վաճառքները նվազել են 3 տոկոսով, սակայն միջին գինը աճել է 8 տոկոսով՝ հասնելով 233 ռուբլու։